Messi In Tulai Bawhlung Leitlun Ih Player Tha A Timi 5 A Rel




Barcelonca Captain Leo Messi cun tulai bawhlung leitlun ih player tha a timi pawl a rel ih mi 5 hmin a relsuak.Messi cun C.Ronaldo hmin a rel tel lo tikah simfiangnak a nei cih ih C.Ronaldo cu keimah thawn hmunkhat ih um kan si ruangah mi 5 lakih ka hril ve lonak san a si tiin a rel.

Messi cun ,” Tulai bawhlung leitlun ah player tha zetzet tampi an suak zo in ka thei ih Mbappe ,Neymar ,Hazard ,Suarez le Aguero pawl cu player thazet an si tiin ka ruat.C.Ronaldo ka rel tel lonak san cu keimah thawn dinhmun bang aw ih ka ret ruangah a si.

Ram hrang Aguero kawh a si lo tikah Messi a lungawi lemlo ih hitin a tong”Aguero ih i sim theumi cu ‘Messi ih rualpi ka si ruangah ram hrang lehnak hmun co loin ka um ih thelhbawh ah toter theu ka si,a ti.A rel bangin si taktak sehla keimah sawn cu thelhbawh ah ka to dingih Aguero ka lut hmasa ter ringring sawn ding a si,’a ti.

Ram hrang a hlawhtlin thei lo thu ah “Argentina hrangah lasawng cawi ding cu ka duh tukih Argentina thawn World champion si ding khal ka duh zetmi a si.Nasa zetin ka zuam nan,ka hlawhtlin hrih lo ruangah pawi ka ti zet.Pathian in ziang a tuah timi cu a fiang zetih nikhat khat ahcun ka caan a thleng leh ko ding a si,” a ti.