Messi In A Thiamnak A Suah – Lingard




Manchester United's Jesse Lingard and Barcelona's Lionel Messi in action Barcelona v Manchester United - UEFA Champions League - Quarter Final - Second Leg - Camp Nou 16-04-2019 . (Photo by Nick Potts/EMPICS/PA Images via Getty Images)

Man United laitlan Lingard cun Champions league quarter final neta puai ih Barcelona an neh lo dan ah Messi in a thiamnak a suah tiin a rel ih Messi a lek thatuk a ti.

Barcelona le Man United puai ah 3-0 in Barcelona an cak ih komkhawm ah 4-0 in Champions league semi final an lut.Barcelona hrang Messi in goal 2 a thun ih Coutinho in goal 1 a thun ve.

Lingard cun ,”Caan hrek hmaisa sawn minute 15 lole minute 20 sung cu kan nehtuk ih remcang thazet zet khal kan tuah thei.Kan nehtuk lai caan ah goal rak thun thei sehla puai a danglam phah rori ding.

“Mess hi leitlun huap player lakih thazet pakhat a si ih tuizan khalah a thiamnak a suah.Tuih kan titheimi umsun cu hmailam pan ih kekar vivo ding a si.Tui tum ah a duaitu kan sinan,mah le mah rinsanawknak thawn hmailam pan ih kekar vivo ding kan si.Caan hrek hmaisa sawn minute 15 sungah rak sit goal bangta sehla ziangkim a danglam rori ding a si,” a ti.

Lingard ih rel bangin puai an thok hnu minute 15 hrawng tiang cu Man United in an neh zetih Rashford khal in khalban a ngah.Asinan, an sit goal thei lo tikah Messi le Coutinho ih sit goal mi in an duai phah a si.