Messi Ih Thilmak Tuahmi Pawl Ruangah Kan Mangbang Thluh Ve Lo – Busquets




Barcelona laitlan Busquets cun Messi in thilmak a tuah theumi pawl cu training’nak ih a tuah theumi pawl an si ruangah an rak hmu cia tamsawn thu a relih Bualrawn sungih a tuahsal caan khalah an mangbang phah lemlo thu a rel.

Busquets cun ,”Messi thawn nitin rori tuahthatawknak kan nei thei cu mi vantha hleice rori kan si.Amah thawn kum 11 sung rori Barcelona hrangih kan lek tlang zo ruangah pehtlaihawknak tha sinsin kan nei.

“Bualrawn sungih a sit goal mi maksak pawl cu timtuahnak hmun ih a sit goal mipawl lawnglawng an si tlangpi tikah kannih hrang mangbang ciamco ding a um lo.Aliam cia kum ih thilmak a tuahmi hrekkhat khal khal tui kum ih tuahsal theutu a si ih Player maksak rori rori a si,” a ti.