Messi Hi Thiamnak Danglam Nei A Si – Solskjaer




Man United Coach Solskjaer cun Champions league quarter final ih Barcelona an neh lo hnu ah Messi cu thiamnak danglam nei tiin a rel ih a lawmzet.

Champions league quarter final puai ah Barcelona cun 3-0 in Man United an neh ih kokhawm ah 4-0 thawn semi final an lut.

Solskjaer cun ,”Nehnak co duh cun lek that a tul bangin kan lek tha zetih remcang tha khal kan tuah aw ko nan,Messi in mawi zetih a sit goal tikah thiamnak danglam nei tilawng rel ding kan nei thlang.Messi danglam zia kan hmu ih thiamnak danglam zet neitu a si.C.Ronaldo thawn thiambik dinhmun ih umtlang an si ih tuizan ah Messi cun a thiamnak a pholang.

“A hlan Man United vek si kan duh ahcun Barcelona kan zuam thei a tul ih tu ahcun kan hnak in an sangsawn tuk.Player thazet zet kan nei nan,tuantlang pekte kan si ruangah caan kan duh deuh lai tla a si ding.Kawlkil thuhla ahcun a tisual nan,kan hrang vei tamtuk in khamsak rero zo.

“Tui dinhmun ahcun Champions league ah Barcelona an champion ka zum ih an player neihmi in a tlintuk.An hmaitlan pathum an thattuk bangin thlehbawh ah Malcom le Dembele an umlai ih haidaih aw zet an si.Thazet zetin khawlsut an nei thei ih ansit cingcing a si,” a ti.