Messi Cu A Lang Ringring Siko – Valverde




Barcelona Coach Valverde cun Champions league quarter final ih Man United an neh hnu ah Captain Messi cu ziangtik lai caan khal ih lek tha ringring le cangvai ringring tiin a lawm.

Champions league quarter final puai ah Barcelona in 3-0 in Man United in an neh ih Captain Messi in Barca hrang goal 2 a thun.Puai theh ah a pu a lungawi tukih Messi ziangtik lai caan khal ih cangvai ringring tiin a lawm.

Valverde cun ,”Messi cu ziangtik lai caan khalah a lang ringring ih a lek tha ringring.Caan malte sung hrang lawng tha a si lo ih puai pum puhlum ih a lek tha.A sit goal mi cu kan team hrang thil thupi tuk a si,” a ti.

Nehnak an co thu ah Valverde cun ,”Kan hna tha zetin kan tuan theh zo ih hmailan pan in ke kan kar vivo ding.Neta ah zo kan do ding timi ah kan buai lo ih ni 15 sung caan kan neih lai bangin tha zetin timtuahnak kan nei ding a si,” a ti.