Messi Cu A Caante Ih Cangvai Theu A Si – Valverde




Barcelona Coach Valverde cun Captain Leo Messi cu an tul caan ih cangvai theu player tha a si tiin a rel ih nehnak an co dan ah Captain a lawmzet.

Laliga round 29nak ah Barcelona cun Espanyol an rak mikhual ih minute 70 tiang ah goal a lut thei lo.Barcelona in neh zetin an nawr nan,sit goal thei loin an um ih mipi an thinphang man zet zo.Asinan,minute 71nak le minute 89nak ah Captain leo Messi a cangvai ih Barcelona hrang goal 2 a thun.Cutin Barcelona cu 2-0 thawn nehnak an co phah ih Laliga hmai an hruai vivo.

Valverde cun,”Messi cu ziangtik lai caan khal ah a cangvai thei ringring ih a thatzia kan fiang tuk zo.Timtuahnak kan neih caan ah kan do dingmi team in ziangtin Messi kham an tum ding timi cu ka thei cia lo ih kan rel cia thei lo.

“Messi kham dingin a phunphun an tawlrel tla a si men ding nan,Messi cun ziang a tuah ding timi a thei fiang zetih a caante ah team hrang a cangvai theu.Messi in Khatlam team player pawl nasa zetih a buai thei cu kan hrang a tha tuk ih olsamten kan lek phah a si,” a ti.

Tuah Barcelona cu puai 29 ah hmat 69 nei in table hmai an hruai ih 2nak Atletico Madrid cu hmat 10 in an thlau.Messi khal laliga ah goal 31 a nei thlangih sit goal tambik siin European khalah sit goal tambik a si.