Messi & C.Ronaldo Thuhla Ah Mbappe




PSG hmaitlan Mbappe cu France Football Magazine in hmaiton thusuhnak a nei ih C.Ronaldo le Messi thuhla an suh tlunah pakhat khat sawn duh an hrilter.Asinan,Mbappe cun C.Ronaldo le Messi ah pakhat sawn hril ih pakhat sawn ret niam cu thildik a si lo tiin simfiangnak a nei.

Mi tampi cun Mbappe hi Messi le C.Ronaldo san hnu ih Bawhlung leitlun uktu dingah an beisei zetih mipi beisei bangin Mbappe khal a lek tha hrih zet.Asinan, C.Ronaldo le Messi bang lo zetin daan le dun a nei tha lo ih red card le yellow card a ngaina zet cu mipi in an mawhthluk rero zo.

Mbappe cun ,”C.Ronaldo le Messi ah duhmi pakhat cu ka hril theituk ko,Asinan pakhat sawn vial hril bangta sehla hril lomi pakhat ih hlawhtlinnak cu zianghman ah kan ruahsak lo tinak a si ding.Mi thabik pahnih ah pakhat vial hril dingin diknak kan nei lo.Culawng a si lo ,Messi le C.Ronaldo ah pakhat sawn na hril asile na hril lomi ih hlawhtlinnak cu na hmuhsuam sak thawn a bang aw.Ka nauhak lai ahcun an pahnih khaikhinnak ka nei ringring nan ka upat hnu cun ka ruahnak ka thleng vuarvi a si,” a ti.

Mbappe hi tui season khalah PSG hrang a lek thazet ih European Golden Shoe hrang Messi naihbiktu le zuam theitu pakhat a si.