Messi & C.Ronaldo An Hnam Aw




Leitlun Bawhlung mipi ti mangbang zet dingin France Football Magazine a cangvai ih an magazine netabik a phaw zuk ah Messi le C.Ronaldo hnam awk lai a ret.France Football timi Magazine hi France ram sungih Bawhlung thuhla ngantu Magazine larzet pakhat a si ih Ballon d”Or laksawng petu khal an si.

Tui tum ih an zuk tarmi thuhla ah simfiangnak zianghman an tuah lo nan,zuk an tarlangmi Messi le C.Ronaldo ih hnam awk lai cu anmai zukmi siloin Urban zuksuai thiam Tvboy in 2017 kum ih a rak suaimi a sisawn.

2017 kum ih El Clasico puai hlanah Tvboy cun Messi le C.Ronaldo hnam awk lai zuk cu Barcelona khawpi ih zinpi pakhat lungdawl ah a rak suai.Zuk ih thulu ah “Duhdawtnak cu a mit a caw ,” timi a rak khen.Catalan miphun pawl ih Puai pi pakhat hrang a rak suaimi a si ih mipi in an lawm in an duh zet ruangah an zukpi cece mi a si.

C.Ronaldo le Messi hi leitlun Bawhlung thuanthu ih mi hleice bik an si ruangah mipi tam zetih duhmi le uar zetmi an si ih an pahnih thuhla khalah elawknak a tamzet.Tuisun nitiang tha zetin an lek rero thei lai nan,an thiamnak cu kum tam kan hmu thei zum a si nawn lo thung a si.