Messi A Tha,A Sulhnu Sia A Thaisiat Ko Ding – Valverde




Barcelona coach Valverde cun an captain Leo Messi cu tui tum champions league puai hrang Man United do dingih a damthat thu a rel ih khong a sinan,dinhmun thazet ah a um zo tiin a rel.Culawng siloin 2013 hnu Champions league quarter final ih sit goal thei nawn lo Messi khal quarter final ih a sit goal thlang a beisei thu khal a rel.

Messi hi Champions league ah goal a thuntam zet nan,quarter final ah sit goal a harsat zetih 2013 hnu ah goal 1 hman a thun hrih lo.

Valverde cun,”Ka ruahdan ahcun Messi in Champions league quarter final ah a sit goal thlang ka beisei zet.Hminsin nepnawi pawl in a liamcia ih thilthlangmi pawl cu tha zetin mi a theihter nan,hmailam thu hrang rel theimi a nei cuang lo.Kan hmailam ah ziang a thleng ding timi cu zohman in kan thei lo ih zo’i hrang khalih thil fel lo zet a si.

“Captain Messi cu kan puai hmaisa ah khong a sinan,tucun a damtha zet thlangih thaizing kan puai hrang dinhmun thazet ah a um a si,” a ti.

Barcelona le Man United cu Champions league quarter final 2leg hrang April ni 17,nithum zing Myanmar 1:30 am ih do aw ding an si ih Barcelona in khualkhua goal 1 a nei cia a si.