Mbappe Maw Neymar? Barcelona Maw Real ? Tivek Thusuhnak Pawl Let Thluhtu Hazard




Chelsea hmaitlan Hazard cu thu phunphun suh a si ih an suh bangin a let niahno men.Thu tamzet suh a si ih mipi kan duh deuh dingmi pawl lawng tarlang a si.

Nikhat hrang C.Ronaldo si thei awla – C.Ronaldo dinhmun vek thlen thei ding cu a ropi in a turu tuk lawlaw dingih ka duh tuk rori siko.

Bus park game na ngaina maw ?- Lamlam ,ka duh lo zetmi lehdan a si.

Beer maw Wine na duh deuh? – Pakhat vial ka hril tengteng a tul a si ahcun Beer ka hrilsawn ding.Asinan,Wine sen khal ka ngaina zetih Bordeaux wine ka duh hleice cuang.

Hamburger pathum na ei thluh thei pei maw?- Fate tak tete ih an tuah ahcun ei thluh thei ko ding.Asinan, amah vek rori cun pathum cu rei thei lo rori siko.

Kuak na fawp dah maw?- Fawp dah zo.

Tottenham maw Arsenal Na hril ?- Ka nauhak lai ihsin Henry ngaina zettu ka si ih Arsenal rori male.

Barcelona maw Real Madrid ? – Club picang le turu tuk veve an si.

Mbappe maw Neymar ? – Ka hril tengteng a tul a si ahcun Mbappe ka hrilsawn ding.Ziangahtile fiang zetih ka theih ruangah a si.

US Major League lamih lek na tum maw? – Ziangkim a thleng thei thehmi a sinan,lek ka tum lo lawlaw.

Nikhat khat ah Ballon dO’r ka ngah leh ding timi zumnak na nei maw? – Nei tuk ee,ka ngah leh rori ding male.

Mi na sual dah maw? – ka nauhak lai ahcun ka naule pahnih ka rak vel theu nan,ka upat hnu ahcun mi ka sual dah lo.

Alai hmaitlan ah hman theu le lekter theu na si ih ziangtin na ruat ?- A Caan ahcun ka lek tha theu nan,ringring ding cun ngah lo siko.

Bawhlung puai zoh maw Rawldawr tha zetah sungte pawl tawn to na hril ? Ka mitheih mi an lek ih puai picang a si ahcun Bawhlung puai ka hrilsawn.Asinan,ka theihmi an um lo a si ahcun Rawldawr ah siko.

China lam teh feh na tum maw? – Lamlam,feh tumnak ka nei lo cu si.

Tui season champions league zuamawknak ah Barcelona an champion na zum maw? – Zum lo ti ngam ding ci a si lo.Asinan,Season titen Champions league cawi theutu C.Ronaldo a um ih a harsa zet ding.

Chelsea Blue maw Real Madrid White na hril ?- Chelsea Blue male.

A netnak ah Mourinho maw Benitez ? Pu Hote male tiin an thuhsuh a cem a si.