MAWTAW PI THAWN INN TIN THILRI THLAK KHAM DING

0
152

Saggaing ramthen Kalaymyo khawsung ah Mawtaw pahawknak le buainak tete a mal vivo nak ding ruahsannak thawn Sumdawng pawl thilri inn tin ih zem theutu Ke tampi nei mawtaw pawl cun Sumdawng thilri pawl inn tin ih zem vivo cu February ni 19 ihsin sian a si nawn lo ding thu Mawtaw lam Committee hnen ihsin theih a si.Hivek sumdawng thilri le Dawr thilri pawl cu Mawtaw neitu in anmai hmuan sungah a silole Gate sungah an thlaktheh hnuah Mawtaw fate thawn nawl ih zemsuak dingin Gate hotu pawl hnenah simtheh zo a si thu theih a si.

“Ngaingai cun tui an kham mi hi 2015 ihsin khamzo mi sawn a si. Kalaymyo ah rinlopi ti a lik ruangah mipi tulsam mi a tam ih inn tin zem siansal mi men a si.Kalaymyo ah thilri phur Gate 11 a um ih Mawtaw pi 100 lenglo a um ruangah le mawtaw fate khal a nini ih a tam vivo ruangah lamzin khamawknak le pahawknak a tam vivo ih cuvek buainak a demdeuhnak ding ruahsannak thawn tuvek ih tuah mi a si”tiah Kalaymyo Mawtaw lam hotu U Soe Myint cun a sim.

Tui a tlun ih tarlang mi thlun loih khawsung inn tin ih mawtaw pi thawn thilri zem thotho hmuh a si ahcun Mawtaw lam dan Chapter 5,Article (11) vek in hremnak pek an si dingih Sipin dan(Municipal acts)khalih hremnak pekbet an si ding thu bulpak Mawtaw pawl himte in vahsuah theinak Committee cun an thusuah ah an tarlang a si.

YMG