March Thla Hrang Premier League Coach Thabik Ah Klopp




Liverpool Coach Klopp cu March thla hrang Premier league Coach thabik ah hril a si.Kloop cun thla tin Coach thabik sinak cu tui season ah vei 2 a co thlang.

Himi laksawng ngah dingin Klopp cun March thlasung premier league puai ah Liverpool cu veikhat hman a duaipi lo ih puai 3 neh le veikhat duhtawk a nei.Goal um loin Everton an duhtawkpi hnu ah 4-2 in Burnley an sop ih khualkhua ah 1-2 in Fulham an neh.Culawng siloin March thlasung ih an puai netabik hrang Tottenham cu anmai innpi ah 2-1 in an neh thei ih Premier league laksawng an beisei ringring thei phah.

Klopp cun March thla hrang Premier league coach thabik laksawng ngah dingin Man City Coach Pep Guardiola,Southampton Coach Hasenhuttl,Leicester Coach Rodgers le Everton Coach Marco Silva pawl a lan theh a si.