Mane & Salah Sit Goal Mi Thawn Liverpool In Chelsea An Neh




Premier legue round 34nak hrangah Liverpool in Chelsea an rak mikhual ih Mane le Salah sit goal mi thawn Inntek in nehnak an co.

Liverpool XI (4-3-3 ): Alisson ,Arnold ,Matip ,Van Dijk ,Robertson ,Henderson,Fabinho ,Keita, Salah ,Firmino ,Mane.Thelhbawh : Wijnaldum,Milner,Mingnolet, Lovren,Shaqiri,Sturridge,Origi.

Chelsea XI (4-3-3 ) : Kepa ,Emerson,Lluiz, Rudiger, Azpilicueta, Cheek, Jorginho,Kante,Willian, Hazard ,Odoi. Thelhbawh: Christensen, Higuain, Barkley,Caballero,Kovacic, Pedro,Giroud,

FT:Liverpool 2-0 Chelsea
Mane51,Salah 53′

Caan hrek hmaisa sawn an thok ih minute 6nak ah Liverpool hrang Salah in Bawhlung thazet a nei hngal nan,leiril ih khawl a sutmi cu Kepa hrang kaih a harsa lo.Chelsea tih an nung thei hrih lo ih minute 15nak ah Luiz in Salah a titlu nan,Bawhlung a dai hmaisa tikah fawl lak a si lo.Inntek in an nawr zet nan,sit goal thei hrih lo in an um ih minute 21’nk ah Chelsea in kawlsut an nei ve.Asinan Hazard ih khawlsutmi cu Alisson hrang kaih a harsa lo.Zohman sit goal aw thei hrih lo ih an um hnu ah colh an hmang.

Caan hrek neta sawn an thok ih Inntek sawn an phur hrih.Minute 51nak ah Salah in kehlam sir ihsin Bawhlung a luhpi ih Henderson a pe,Henderson in Chelsea khawl hmaiah Bawhlung a tuah cu bawhtu nei lo Mane in Liverpool hrang a rak sawh goal.Liverpool in an nawr peh ih minute 53nak ah Salah in penalty rit leng ihsin goal ropi a thun.Nasa zetin mikhual an tang ciamco ve ih Hazard cun khawlban a ngah hnu ah khawlsut thazet a nei nan,Alisson in a rak khamsak.Chelsea in sit goal tum in nasa zetin an nawr ih Liverpool in an rak nawr thutthi rero ve.Nasa zetin an nawr aw ton nan,goal dang a lut nawn lo ih 2-0 thawn Inntek in nehnak an co.

Hitin Liverpool cu puai 34 ah hmat 85 an nei ih Premier league hmai an hruai hrih.An hnuaiah puai khat lek mal City an um ih hmat 83 an nei ve.Chelsea cu puai 34 ah hmat 66 thawn table 6nak ah an um hrih ih Man United puai 33 ,hmat 64 le Arsenal puai 32 hmat 63 in an lan thei ringring a si.