Man United Lehdan Ding A Rualpi Pawl Simtheitu Pique




Barcelona dungkham Pique cun Champions league quarter final puai ih Man Uniteh an do dingmi hrang Man United lehdan tlangpi le fimkhur tulmi hrekkhat pawl cu a rualpi pawl simtheihnak a nei cia.Pigue hi Man United ih rak um dah a si ih Ferdinand le Vidic vanglai ah an kaiza a rak kilkhawi.

Pique cun ,”Bawhlung kan cotam a tul ih cotam ding khal in kan zuam ding.Man United cu minor thutthi uar zet an si ih nor thutthi thawn sit goal an tum ding.Cumi ruangah Rashford le Lukaku kan kilthat a tul ih kan ralrin ringring a tul.Free kick le corner ah kan fimkhur zet a tul dingih a tul lo ah fawl lo a tha ding.

“Tui dinhmun ahcun kan tha zetih Laliga laksawng kan neih zet zo tlunah Copa Del Rey final khal kan lut zo.Kan lek thatlang ih kan phurtlang zet bangin phurrit kan nei lo.Khualkhua ah result thate hmuh kan duh ih kan zuam ding.

“Man United ih ka rak lek zo bangin kan do aw ding timi ka theih veten ka rak phurthup zet.An hnenah tampi ka zir man ih ka hrang hmun nuamzet pakhat a si.

“Kum 17 te lawng si cingin Solskjaer ka rak lehpi thei ih mi ropi zet a si.Coach dinhmun thawn hram a thok thazet cu ka lungawipi tuk lawlaw ih puai harsa zet a si rori ding.Asinan,nehnak co tum in kan ra a si,” a ti.