Man United Kan Si,Duai Cia Dingah In Ruat Hlah Uh – McTominay




Man United laitlan McTominay cun Champions league quarter final puai hmaisa sawn hrang anmai Innpi ah Barcelona an neh lo nan,duai cia vekih an thuhla ngan a duh lo thu a ausuahpi tlunah Ma United cu kirsal thei ringring an si thu a rel.

Champions league quarter final puai hmaisa sawn ah Premier league club Man United in Spain club Barcelona an rak mikhual ih anmai Innpi ah mikhual ngam loin 0-1 thawn an duai.Vei 1 lek ding an nei lai nan,anmai Innpi ih an duai zo ruangah Man United cu semi final lut dingih beisei an si lemlo.Cutikah laitlan McTominay cun nehnak cokir sal thei ringring an si thu a rel.

McTominay cun ,”Barcelona hi team thazet an si ih duhduh ih nor theih an si lo.Asinan,kan puai kan zoh tikah kan lek tha zetih nasa zetin harsatnak kan pe thei.Curungah Champions league suahsan ding vek in kan thuhla rak ngan duh hrih hlah uh,Man United kan si ih nehnak kan cokir sal thei ringring a si,” a ti.

Man United le Barcleona puai ah McTominay a lek tha zetih Man United coach Solskjae rori khal in a rak lawm zo a si.