Man United In Hlasak Thiam Drake Hmang Tangkai Ih Barcelona Neh An Rak Tum




Tulai Bawhlung leitlun ih larzet pakhat cu Canada hlasak thiam Drake a si ih amah zuk pitu team cu an sung ringring hrih.Arsenal hmaitlan Aubemayng in Crake thawn an zuk a thlah hmaisabik ih 1-0 in Everton an rak neh lo.Dortmund hmaitlan Sancho in Drake thawn an zuk a tarlang ve ih 5-0 rori in Bayern Munich in Dortmund an sop.PSG dungkham Kurzawa in Crake thawn an zuk a tarlang ve cu Lille in 5-1 thawn PSG an sop ve.Man City hmaitlan Aguero in Drake thawn an zukmi a tarlang ve cu City hrang penalty a sit goal lo ih Tottenham in 1-0 in an neh.

Hivek a si ruangah Italy club Roma cun an player pawl cu Cadana hlasak thiam Drake thawn zuk an khap.

Man United khal in Drake ih ansia an rak thei ve ih hmang tangkai an rak tumzet nan,an hlawhsam.Champions league quarter final puai 2nak hrang Barcelona an do hlanah ah Man United cun Drake in Barcelona jersy a hru laimi zuk cu an official Twitter account rori ah an tarlang.Cutin ,Drake ih ansia thawn Barcelona neh an tum nan,an hlawhsam lellel ih kokhawm ah 4-0 in an sung.

Drake hi lekmi hrangah sulhnu a nei tha lo zetih Conor in Khabik a neh lo tum khalah Conor lam tangih rak cangvaitu a si ih Conor in khabib a rak neh lo zet.Ziang a si khalle Barcelona player in Drake an zukpi ti siloin Man United in Drake ih zuk thawn nehnak an rak hawl cu an tifuh lo zet cu a si.