Man United In Wolves Neh Loin FA Cup An Mangtha




FA cup quarter final hrang Man United cu Wolves do dingin an fehsuak ih khualkhua ah 2-1 thawn an sung.

Man United XI (4-3-3 ) : Romero ,Shaw ,Lindelop ,Dalot ,Pogba ,Matic ,Herrera ,Lingard ,Rashford ,Martial. Thelhbawh:Pereira ,Mata,Mctominay, De Gea.

FT: Woles 2-1 Man United
Jimenes 70′, Mai Fred Lalhlimpuii
Jota 76

Puai an thok ih Man United in bawhlung cotam sawn in remcang tha an hawl nan,remcang tha an tuah aw thei lo ih Pogbal in hlaral khawlsut a nei nan,khawl a thelh.Inntek Wolves in an nawr ve cu khawlsut thazet vei 2 rori an nei ih Romerio in a rak khamsak veve.Cutin ,caan hrek hmaisa sawn ahcun goal lut loin colh an hmang.

Caan hrek neta sawn an thok ih Inntek sawn an tihnung um.Khawlsut thazet le lusawh thazet an neihmi cu Man United kawlkil Romero in thazet in a rak khamsak veve.Inntek in an nawrzet bangin Moutinho ih khawlsut thazet cu Man United kawlkil Romero in a khamsak sal nan,minute 70nak ah khawl kiangte ih Jemenez khawlsut mi cu kham thei nawn loin Wolves in goal hmaihruai an thun.Goal an suah hnu khalah Man United tih an nung thei hrih lo ih minute 76nak ah Inntek hrang Jota in goal a thunbet. Jota cun Shaw a bum fel hnu ah bawhlung a tlanpi ih Romero kaih thei lo dingin a sit goal.Man United an tang ciamco thlangih minute 90 lan hnu ah Rashford in goal 1 a thun nan,goal dang thun bet thei loin an um ih 2-1 thawn Inntek Wolves in nehnak an co.

Hitin Man United cu puai 2 peh in an sung thlangih Premer league puai hrang Arsenal an rak neh lo zo.Nehnak cotu Wolves cu FA cup semi final an lutih Millwall le Brighton a nehtu thawn Semi final ah an do aw ding a si,