Man United Dotu Ding Barcelona Hmin Cazin Phuan A Si




April ni 11,Nithum zan lole nili zing Myanmar 1:30 am ah Champions league puai ropi zoh ding kan nei ih Premier league club tha Man United in Spain club tha Barcelona an rak mikhual ding.Barcelona cun Manchester United dotu dingih an hrilmi player pawl cu hitin phuansuahnak an nei zo.

Man United dotu ding Barcelona player pawl cu Kawlkil hrang : Ter Stegan, Cillessen, Pena.

Dungkham hrang : Semedo, Pique, Todibo, Lenglet, Murillo, Alba, Sergio Roberto, Umtiti

Laitlan hrang : Rakitic, Busquets, Coutinho, Arthur, Vidal, Alena

Hmaitlan hrang : Suarez, Dembele, Malcom, Boateng le Messi pawl an si.

Club pakhat le pakhat kekar dan a bang awk theh lo bangin Spain club tha pahnih Real Madrid le Barcelona hi an puai hlanpi ihsin lektu ding hmin cazin phuan cia theu club an si.

Premier league club pawl cu dam lo player tete hman rel tha duh lo an um ih hmin cazin phuan cia thepthep an nei dah lemlo.Cutilai in Champions league ahcun an hruaimi player pawl cu phuan caan an nei ve theu a si.