MALAYSIA MH370 HAWLTU LONGPI HLO

0
137

Seabed Constructor timi Longpi pakhat cu 2014 kum ih a hlo mi MH370 Malaysia vanzam hlo a hawl laiah amah khal mangbang thlak zetin a hlo tiah theih a si.Hi vanzam a hawlnak ni 10nak January ni 31 ni ah Longpi ih umnak theih theinak cet cu sia in a hlo mi a si.

January ni 2 ihsin Vanzam hlo MH 370 hawl dingih poksuaktu Texas thil hlo hawltu Company Oncean Infinity neih mi a si ih Vanzam a hmuhsuak lo khalle a man pek tullo ih hawl dingih poksuak a si.Hi Longpi cun Vanzam taksa thenkhat ti sungih a um mi aw ihsin zawt ih hawlnak cet thawn hawl ding an si.Hi Company cun ni (90) sungih a hmuhsuah ahcun Malaysia cun US$ 55 Millions an pe ding a si.

Tuhlan ahcun Malaysia,Australia,China Company pawl cun US$ 200 Millions cem in an rak hawlzo nan an hmu lo.Tui a hawltu cun MH370 ih vanzam Oil a cemnak ding hmun hrawng KM 120 kulh sung lawng a hawl mi a si.Tuhlan ih an rak hawlnak India tipi thuanthum ah vei 3 rori Vanzam taksa kek cu an rak hmuzo.Cuti a rak hawltu Longpi pawl khal hlo lo dingin an rak Control thei.

Online hmangtu mi pakhat cun hi Saebed Longpi hi MH370 a hmusuak a si thei ih Cozah in sumpai an pek hlan sung a umnak a thup khal a si thei tiah a sim.Seabed Longpi cun February ni 8 ah ei/in le Oil pawl la dingin Austrlia tipi kap ih Freemantle pan ding a sinan kan dung sunday ihsin hi Longpi ih AIS a onsal tikah Perth lam pan ih an hmuh thu theih a si.Longpi ihsin thuhla zianghman theih a si lonan tuvek ih a hoilam a dannak cun a umnak kel ih a duh mi a hmu lo ruangah hmundang a hawlsal si ko ding tiah Journalist Jeff Wise cun a zumdan a sim.