MAI RUALPA FANU KUM 6 MI SUALPI

0
203

Magwe ramthen Minhla peng ah pa pakhat cun a fanute kum 6 mi cu a rualpa tei inn ih a zu innak ah a hruai ih a rualpa cun a fanute kum 6 mi cu a rak sualpi sak tiah theih a si.Hiti a sualpi theinak cu a pa zuri ih a ihthat sungah a pai rualpa Hing Minza cun a rualpa ih fanute cu inn ah ka lo thlah ding a ti ih an khawsir ih colhhmun ah hruai in a sualpi mi a si.tuah hi nute cu sizung ah tuamhlawm rero a si.

“ka rituk itthat lai cu ka fanute cun kan tlung ke,Ka tihtuk tiah in thang ih kan tlung.Thaizing khua a vang ih ka fanute ih ihnak le bawngbite cu thi hlir in a rak khat cu kan hmu ih kan suh tikah Hing Minza in in sualpi a si tiah in sim”tiah nute pa cun a sim.Himi hi Hing Minza in February ni 6 zan nazi 10 ah a rualpa cu an inn ih zu in dingih a sawmnak cu a fanute hruai in an feh mi a si.Cutin zu an intlang hnuah a pa cu ihhmu in a itthat mi a si.

Hi nute cu nu a nei nawn loih a pa cun a fehnak kip ih a hruai mi a si.Tuih an tuamhlawmnak man pawl khal Magwe ramthen Cozah cun theitawk ih an bom ding thu theih a si.Hi rape thuthla thawn peh aw in nute pa cun Zinanma Police Station ah thubuai a tuah ih kum 30 mi Hing Minza cu Police in an kaizo a si tiah theih a si.