Lungawi Soparte’n Pogba Ka Hmuak – Casemiro




Real Madrid laitlan Casemiro cun an hnenah Pogba a lut duh asile lungawi soparete ih a hmuah ding thu a rel ih Pogba cu player thazet pakhat a si tikhal in a rel cih.

Pogba hi Zidane ih duh zetmi laitlan pakhat a si ih Real madrid cun thaal player lei awk caan ah lei an tum.Man United cun an laitlan tha Pogba cu zuar an tum lo zet nan,Champions league an lek thei lo pang asile ,Pogba in a suahsan zum a si.Cutilai in amah Pogba cun a hmailam umdan ding thu mipi a simthei duh hrih lo.

Casemiro cun ,”Pogba hi player thazet a si ih ziang team khalah tha zetih lek hngal thei ringring dingmi player a si.Kan hnenih a ra lut duh a si ahcun lungawi soparten ka hmuak.Ziangahtile player thatuk rori a si.

“Tuah Man United player a silai ih Champions league puai hrang a thinlung a pe zet ding.Cuih tlunah Man United team khal ka upat thiam a tul ih a thuhla rel tam a tha lo.

“Ka rel ringring theumi cu Real Madrid hi leitlun ih club thabik a si bangin player thabik kol ringring ding khal kan si.Asinan,Real Madrid ih lei dingmi player cu kei ih rel ding le duhhril ding a si lo.

“Neymar thuhla ahcun player thazet a si ih kan hnen a ra duh asile a hrang sangka kan onsak cia ringring.Ka hnenih a rat ding thu ah PSG president in thu a nei ve zet dingih amah Neymar khal nan sut fiang thei.Tupekte ah PSG ih a nuam thu a rel ih a nuam taktak asile amah kan upat thiam ding cu a thupi..

“Marcelo thuhla ahcun season a hmangse tuk tiin kan rel thei lo ding,ziangahtile kan zaten season kan hmang se thluh.Anih cu player thazet le mi ropi zet pakhat a sisawn,” a ti.