Ligue 1: Lille In 5-1 Thawn PSG An Sop Neknek




France Ligue 1 round 32nak ah table 2nak ih um Lille in PSG an rak mikhual ih 5-1 thawn an rak sop neknek.Lille hrang tulai Club tumpawl ih cuh awk rero mi Nicolas Pepe a lek that zetih goal 1 a thun tlunah midang hrang tuahsak mi vei 2 a nei thei.

Lille XI ( 4-2-3-1 ): Maignan, Celik ,Fonte, Soumaoro ,Kone, Mendes, Xeka , Nicolas Pepe , Ikone , Bamba. Remy.

PSG XI (5-3-2) :Areola ,Bernat,Kimpembe, Silva, Dagba,Muenier , Peredes ,Verratti ,Alves ,Draxler, Mabppe.

FT:Lille 5-1 PSG
Meunier 7(og), Bernat 11′, Pepe 51′,Bamba 65′,Gabriel 71′,Fonte 84′.

Caan hrek hmaisa an thok hnu minute 7nakah inntek in goal an nei hngal.Ikone ih Bawhlung tuahmi cu Meunier in an lamah a rak kham goal.Asinan,minute 11nak ah Mbappe ih tuahmi cu Bernat in PSG hrang a rak sit goal ve.Duhtawk aw zetin an lek nan,minute 36nak ah PSG dungkham Bernat cu red card thawn dawisuak a si ih ziangkim ti danglamtu pakhat a si.Goal 1 veve thun aw in colh an hmang ih PSG lam mi pakhat in an mal thlang.

Caan hrek neta sawn an thok ih Innek in ngam zetin an lawr.Minute 52nak ah Ikone ih Bawhlung tuahmi cu Pepe in a tlanpi hnu ah PSG kawlkil kaih man lo dingin a sit goal.Mikhual tih an nung thei nawn lo ih minute 65nak ah Ikone ih Bawhlung tuahsak mi thotho thawn Bamba in Inntek hrang a sit goal bet.Inntek in an nawr peh ih minute 72nak ah Pepe ih free kick sitmi cu Gabriel in a rak sawh goal ih minute 84nak ah Inntek hrang Pepe ih corner sitmi cu Fonte in a rak sawh goal.Cutin,goal dang a lut nawn lo ih anmai innpi ah 5-1 thawn Lille in PSG an rak sop neknek a si.

PSG an sung nan,an hrang a pawi ciamco lemlo ih an nehta puai ah nehnak an co asile Ligue 1 an champion thotho ding a si.