Leo Messi & C.Ronaldo Ah Zosi GOAT Timi Relfiangtu Liverpool Dungkham Hlun Carragher




Tui dinhmun bawhlung leitlun ih elawknak tambik cu Messi maw C.Ronaldo ropi sawn timi a si bangin Liverpool dungkham hlun Carragher khal in Messi le C.Ronaldo ah G.O.A.T (thuanthu ih ropibik miangmo) a hril ve.

Carragher cun ,”C.Ronaldo le Messi thu ahcun relbuai ding ciamco a um lo.C.Ronaldo hi sit goal thei ropibik miangmo a si ih Leo Messi cu thuanthu ih ropibik miangmo a si.Player thazet veve an si ih Club hrang rinsan awknak hnget an pe.Cuih tlunah club dang cun an hmin men khal in an rak huphurh theu.thil feh theu bangin English club pawl in C.Ronaldo le Messi kham thei dan an hmu hrih lo asile tui season champions league final cu Juventus vs Barcelona a si rori ding.

“Asinan,tui season ahcun English club pawl ka rinsan zetih C.Ronaldo le Messi an neh thei ka zum.Curuangah English team pahnih cu final lek dingin Madrid khawpi an feh ka zum.Cun,tui hnu kum 5 thlenglai cu English pawl an turu hrih ding tiin ka ruat ih a si lobik ah semi final tal an thlen ringring ka zum.

“Barcelona hrang English team pahnih pahtlang ih final luh ding cu thil harsa zet a si dingih ,khat lam ah City ka rinsan zet a si,”a ti.

Tui season champions league hrang Tottenham le Man City nehtu cu Ajax le Juventus nehtu thawn semi final ah an tong aw dingih Man United vs Barcelona nehtu le Liverpool vs Porto nehtu khal semi final ah an tong aw ve ding a si.