LEITLUN MAGAZINE EDITOR NAUHAK BIK

0
159

Australia ram mi Roxanne Doawns cu kum 9 a kimnak ding thla 2 duh ah Leitlun ih Magazine Editor nauhakbik Laksawng a ngah a si.Ani hi It GiRL Magazine ah Editor thla 6 tuanzo mi a si.A hmaisabik a Edit mi Magazine cu Australia le New Zealand ah an zuarsuak.Magazine ih Editor tuan timi hi olte men a si lo.

Roxanne cun suncaw eikhawmnak le a Edit nak thuhla pawl,Market a hawldan pawl le Edirtorial a ngan dan pawl cu Magazine Press ih an ap hlan ah a cekfel theu a si.

Roxanne cun Editor hnatuan cu menmen ih a tuan mi a si lo.Tlawnglam ih a ca pawl khal zohphah in le Magzine hrang khal ruahnak pe phah ih a tuan mi a si.Nauhakte si cingin hivek ih a hnatuannak cun Guinness World Records tiang a ngahphah a si.

“Ka hrihruai lakah nehnak cotu si ka duh.Tukhal ah nauhak ka silai.Cun It GiRL timi khal nauhak pawl hrang ngan mi Magazine a si.Mah le hrihruai thawn tonawk tik ah ziang an duh,An hrangah ziang a tha ding,Ziang thuhla theih an duh timi ka thei ngah”tiah Roxanne cun a sim.Roxanne ih Editor tuannak Magazine cu 2017 April thla ih suahthok mi a si.Editor tuan khal nuam a tizet.