Leitlun Kawlkil Upabik Hminsin Tuahtu Israel Pa




Bawhlung thuanthu ih puai pitling pakhat hrang kawlkil upabik hminsin tuahtu Israel pa Isaak Hayik a si ih kum 73 a kim hnu ah a team hrang kawl a kil.Asinan,Isaak hi club thawn contract nei lai an si nawn lo ih puai pitling pakhat ah Israel club Ironi hrang kawl a kil.

Ironi club hi Israel league Liga Bet South A ih lek an si ih Israel league tha ah dinhmun palinak an si.Umdan cu Israel league thabik ih lek dingin league dang 2 an paltlang vivo a tul lai tinak a si.

Ninga zan ih an puai ah Isaak cu Ironi hrang kawl a kil ih minute 90 sung rori kawl a kil tluan thei.5-1 rori in an sung nan,kawlkil Isaak cun khammi tha taktak a nei ti a si.

An puai cem veten Isaak cu Guinness World Records laksawng pek hngal a si ih puai khat dang lek leh a beisei thu khal a rel cih a si.