Leitlun Ah Messi A Thabik Miangmo Ko Ee – David Villa




BARCELONA, SPAIN - MAY 11: Lionel Messi (L) and David Villa present the adidas F50 adiZero, the lightest ever football boot, during the launch at the Circuit de Catalunya on May 11, 2010 in Barcelona, Spain. (Photo by Getty Images for adidas)

Spain ,Valencia, Barcelona ,Atletico Madrid le New York City hmaitlan hlun David Villa cun Bawhlung thuanthu ah Barcelona Captain Leo Messi a thabik miangmo ko ee tiin a rel ve.

David Villa hi a vanglai ahcun hmaitlan tha zet a si ih Sporting Gijon ,Zaraoza,Valencia ,Barcelona ,Atletico madrid le New York City pawl ah a rak lek.Tuah Japan club Vissel Kobe hrang a lek rero lai ih Spain hrang a rak lehpi zomi Iniesta thawn an lek tlang.Spain ram hrangih sit goal tambik a si ih puai 98 ah goal 59 a thun thei.

Club le ram hrangah a hlawhtling zetih World cup ,Euro Cup ,Champions league ,Laliga,Copa Del rey ,UEFA super ,Spain Super cup le FIFA club World cup pawl khal a cawi thluh thei.

Villa cun ,”Messi ih thiltuahmi ah zianghman mangbang ciamco ding a um nawn lo.Bawhlung thuanthu ih player thabik a si bangin thabik a sizia cu mi tinkim hmuh dingin a pholang ringring men.Na titheimi umsun cu a lek tinten hahdam zetih zoh ding cu a si.

“Midang in thatuk ti ih an relmi Pele ,Maradona le Cruyff pawl lek lai cu Messi ka zoh ringring bangin ka rak zoh thei ve lo.Asinan, kei ka hrang ahcun Messi hi bawhlung leitlun ih thabik miangmo cu a si.A thatdan cu ziangkim ah a tha theh a si,” a ti.