LAMZIN AH NAUTE LE $5500 SAR

0
134

American ram Oklahoma state ih Highway lamzinpi pakhat sir ih car pakhat sungah naute thlakhat mite cu a nu le pa in an hlon tiah theih a si.Hi naute cu a Birth Certificate le sumfai $5500 khal an retcih tiah Mirror thuthang cun an tarlang.Himi hi kan dung Sunday ni ih hmuh mi a si.

Sun a satlam 32 degree celcius a sinan Car sung sazet lakah naute cu zianghman cang loten a um ti si.Tuah Police cun naute nu cu an hawl rero lai ti si.Hi naute hmu hmaisa biktu cu Rodger Prater le a nupi an si ih an hmuhpek ahcun milem ah an ruat lawk.Lamzin sir ah a nu cun Car thawn a ra tanta mi a si zum a si.Cutin an thil hmuh cu Police hnenah an sim.

Tuah cun hi naute cu Oklahoma Department of Human sevises ah kilkhawi a si ih hi naute thuhla ah zohman kaih mi an nei hrih lo ti si.Tui an kilkhawinak cun a tulcan te sung lawng an kilkhawi ding.A cawm duhtu an um a sile Dan thawn siansak a si ding.Asilole a nu le pa theih a si ahcun a nu le pa hnenah apsal tum a si.