Laliga : Real Betis vs Barcelona ( Thlirnak )




March ni 18,nikhat zing Myanmar 2:15 am ah Laliga round 28nak hrang Real Betis cun hmaihruaitu Barcelona an rak mikhual dingih puai rorum zet a si ding.Tui season ah veikhat an rak do aw zo ih Camp Nou ah 3-4 thawn Real Betis in nehnak an rak co.Barcelona hrang phuba laknak caantha zet a si ih Real Betis hrang vei 2 peh ih Barcelona neh theinak caantha zet a si.

Barcelona hrang Dembele,Vermaelen le Rafinha pawl cu dam lo an si ih midang an damtha thluh.Real Betis player tha pawl khal an dam theh ih Barcelona neh bet an tumzet.

Tui dinhmun ah Barcelona cu puai 27 ah hmat 63 thawn hmaihruaitu an si ih Laliga champion laksawng an duh taktak asile ,tuizan ah nehnak an co tengteng a tul.Ziangahtle table 2nak ih um Atletico Madrid cu niruk zan ah 2-0 thawn Athletic Bilbao an neh lo.Hiti a si ruangah Barcelona in nehnak an co thei asile hmat 10 rori in Atletico Madrid an fehsan thlang ding.

Laliga puai 27 lek zotu Barcelona cun puai 11 lawng lek ding an nei thlangih puai 8 nehnak an co thei asile Atletico Madrid dinhmun zoh tul loin Laliga an champon ding a si