KUWAIT IH PHILIPINES NU THAH TONG




Mah le ramte ih eikhawp kan hmuh lo cun ei kan hmuhnak hmun pohpoh ei kan hawl a rak tul theu.Mai khua le ram,mai tong le mai biaknak be ve lo ram ih mi an hmuhsuam zia cu ruahmen hmanah Mitthli tlaknak a si.Philipines nu pakhat khal Kuwait ah mi hnenum tuan in a feh ih a ruak in Philipines ih a tanta mi sungkhat hnen ah a thleng.

Hi kum 29 mi Philipines nu cu a thuhla inn lam ih an theih lonak a reipi zo nan khawiah a um ti theih a si lo hnu thlatak ah Fridge sungah a Ruak cu hmuhsal a si.A umnak lebanon innsang cun 2016 kum ihsin an hmu nawn lo ih hlo in an phuang.Hi hnenum thih thuhla ah Philipines le Kuwait cu tulai an karlak thuhla a sezet ti si.

Kuwait ih Philipines hnenum pawl dinhmun a siatzet thu le vuak le velh an ton nasa thu a um hnuah President Duterte cu Kuwait ram ah zohman hnatuantu thlah lo dingin kan dung kar lam ah a rak phuangdah.Kuwait ram ah Philipines mi innsak le hnenum hnatuan a malbik ting 2 hrawng an um dingih ruah a si.