KUTDAWH MILIAN AN KAINGAH

0
135

Sweden ram ih kutdawh pakhat cu lamzin feh pawl in Bus man pek ding sumnawi thleng tum ih an suh cu thinheng in nam thawn a hro ciamco ruangah Police cun an kai.Police cun dan vekin cek haikhaw a taksa ah Sweden paisa Krona million 6 leng lo an hmu.

Hizat sumpai hi milian pakhat in a kut sungih a neih mi hnakin tamtuk ti a si.Pound cun ting 5 lenglo a si.Hipa cun paisa nawi an thleng ding cu siang loin Nam thawn a hronak a si.Stockholm khawpi ihsin peng 50 hlatnak Uppsala khawpi ih Bus colhnak kiangih cang mi buainak a si.

Police ih an kaih ah a taksa ihsin Bank Pass Book a tla ti si.A taksa zate an cek tikah Pound (535000) thawn tluk aw mi Sweden paisa cu hmuh a si.Police hotu pakhat cun hivek dinhmun in hizat paisa nei ka veikhat hmuhnak a si tiah a sim.Mi neinung kan timi hman an nei pam kan tiah Pound 5000 hrawng lo an taksa ah hmuh ding a um lo.Ani cu a tleptlep rori in a taksa ah a ben tiah a sim.

Hizat sumpai thawn khawlak men ih a um cu tihnung rori a si.Sweden ram ih tangka ca tumbik cu 1000 ca a si ih 1000 ca 6000 lai nei tluk a si.Hizat sumpai siar ah Police cu an buai nasa.Hipa hi Bus to nak nei lo vek in sumnawi dil theutu a si ih ni tlaknak lam mi a si ti a si.Paisa mi a dil ih an pek lo cun mi a hro theu.Tuah cun sumpai thiang lo kaitu timi case orhter in hren a si.