KIOSA IN RAMTAWI PA DEH

0
194

S.Africa ih a thupte Kiosa that theutu tawivak pa pakhat cu Kiosa in a dehthat thu theih a si.A dehthat rori a si ti sim theinak cu Ingwelala ramsa humhimnak hmun pakhat ah milai dehnak hnuhma hmuh a si ruangah a si.Kiosa ih keuthat an tumlai ah bawmtu hawl ih a au aw an theih in a umnak lam cu an pan nan a Lu lawng hmuh ding a rak tang.

Hi Kiosa deh mi hi Ramsa humhimnak hnatuan a si tiah Police cun an zum nan Ram tawipa a rak si sawn ti a si.”Kiosa ih an keuthat mi cu a lu lawng kan co ngah.A taksa dang cu an ei theh.Kiosa ih a keu ah meithal puak awn ruangah Kiosa pawl cu hmundang dang ah an tlan nan Tawivak pa cun zianghman tuah thei nawn loin an deh ih an ei”tiah a hmun ih umtu cun a sim.

Ramtawi pawl ramsa ih deh hi tulawng a si lo.2017 kum khal ah pakhat cu Zur in a thuat ciamco zo.2017 kum ah india ah sai ih thah mi khal a umve.Kiosa,Sai,Zur ki le ruh pawl hi si ih tuah ding le ceiawknak ih tuah ding ah a thupte in ramsa an that theu.Cuvek in Leitlun hmun tampi ih Ramsa pawl cun an nunnak laksak an tong theu a si.
SM