KIM JONG UN ZIANG A TUAH RERO?

0
329

Tulai hi N.Korea thuhla kan theihlonak a reizet zo.Us thawn an karlak thuhla ziangvek a si ti khal mipi lam cun theih kan duhzet ding.US President thawn Singapore ih an tonawk tum ah Kim Jung Un le Trump cun khatlam khatlam tuah ding mi thu tawkfang lungkim tlangnak an nei.N.Korea cun an Nuclear test theunak hmun hrekkhat cu mipi hmuh ah an siatbal ti khal zapi theih a si ko.

Hmansehla tunai US thlingthlatu pawl ih hmuhdan vek a sile N.Korea cun hmunhla kap thei Missile test nak an tuahbet rero tiah an sim.Hmansehla US lam in hivek an hmuhsuah hi an mangbang tuk lemlo.Tui Missile test nak hmunthar an tuahnak cu tuhlan ih an test theunak tupi sung ih um Yeongjeo Dong timi hmun ihsin peng 7 hlatnak ih um Hoejung timi hmun ah a si ih hna tampi an tuansuak zo tiah Satelite ih zuk mi ah hmuh a si.

Hi Satelite zuk ih a lang dan cu American CIA hotu pakhat cun nemhnget ngam rori a si thu a tarlang.N.Korea cun ram 2 remawknak tuah mi thu ah tuah ding tampi an nei ti a si.CNN cun N.Korea cun 2017 ihsin leihnuai Nuclear cetzung an sak rero mi cu an theh thei hrih lo tiah an tarlang.Trump le Kim Jong Un an tonawk hnulam cun N.Korea parah leitlun ram tampi in beiseinak an nei nan ziang hman thleng danglam hmuh ding cu a um hrih lo ti a si.