Khualkhua Khalah Hasegawa Neh In Aung La In A Taikhap A Humhim Thei




One championship Middleweight taikhap cuh aw in Aung La le Ken Hasegaqa cu kulhsungpi ah an sual aw ciamco ih round 2nak cemzawng ah Aung La in nehnak a co.

Round 1nak an thok ih Aung La in a ke thawn a thai duakdo hmaisa.An fimkhur tlang zetih an sit aw dekdo hrih.Aung La in a pan rero nan,inntek pa dupsip an uar zetih an thai aw phah.Aung La in a nor zet bangin Ken hmai ah vei 2 a thong ngah nan,a hmuarpin lo deuh.Round cemzik zawngah Aung La in fuh zetin a thong ngah nan,a pehzom ngah lo ih colh an hmang.

Round 2nak an thoksal ih kut thawn an thai aw derhdo.Aung La in a ke hmang phahphah nan,a sit fuh thei lo ih Ken in a kut a hmang uar zet.round cem zik zawngah Ken in Aung La buan a tum nan,a buan tlu thei lo.Cutin Aung La in a thong fukfi ih a hnar ah thongfuh zetin Ken A tlu,Aung La in a thong bet ciamco hnu ah nehnak a co hngal a si.