KHAWSUNG AH NGALCANG TUMTAK RAWL HAWL

0
115

Ngalcang pakhat le a rualpi pawl cu khawsungah lut in hnawmbawm pakhat sungih ei ding an hawl.Ngalcang cun a dunglam kehnih dingin hnawmbawm sungta rawl a hawllai cu pa pakhat a fale tlawng thlah tlunglam cun hmu in Video a lak mi a si.

Ngalcang cun hiti ei ding a hawl rero laiah ngal dang pawl cu a dunglam in an hngak.Hi Video hmutu tampi cun Ngal pawl cu tlawnginn lam tiang thleng in nauhak an buaiter ding an phang zet.Hrekkhat cun hi Ngal ringrawng an zangfahzet thu comment an pe.

Nikum June thla khal ah Ngalcang cu khawsung ah lut in Police cun kaih an tum ih Ngal cun Police le kum 73 putar pakhat cu hriamhma a rak pe.Hong Kong thotho ah 2016 kum ah Ngal pinu pakhat cu Airport ah lut in mipi a tibuai ih an rak kaidah.Mithiam pawl cun Hong Kong ah ramsung ei ding a mal vivo ruangah ramsa pawl khawsung ah ei ding hawl ih an luhnak a si tiah an sim.
SM