KHAWPI 4 KOM IN TAMU AH CND TUAH DING

0
134

Saggaing ramthen ih khawpi pali ih um mi Chin pawl cun tui a ralai ding mi february ni 20 ih tuah ding mi a vei 70nak Chin Phunpi Ni(Chin National day cu Tamu khawpi ih tuah dingin Saggaing Ramthen Cozah cun an tawlrel a si tiah theih a si.Hi khawpi pali pawl cu Kalaymyo,Khampat Myo,tamu Myo le Myothit Myo pawl an si.

Hi Khawpi pali ih um mi Chin mi pawl cu komkhawm awin Tamu Bualrawn pi ah Puai tuah ding a si.Hi puai ah Kalaymyo ihsin Chin Nunphung pawlpi le hotu pawl tla an tel dingih Chin thuammawi zuamawknak le Santhar hla mawi pawl thawn hlunghlai zet ih tuah tum a si.

Hi Tamu ih tuah ding mi a Vei 70nak Chin National Day cu February ni 18 in 20 tiang ni 3 sung tuah tum a si.2017 kum khalah Kalaymyo ih Chin pawlkom cun Taungphila ih No.2 BESH Bualrawn ah hlunghlai zet in an rak tuah a si.Chin ramkulh huap Chin National Day cu Hakha khawpi ah tuah tum a si.