Khaikhin Ka Duh Lo – C.Ronaldo




Argentina striker Lionel Messi (R) shakes hands with Portugal's striker Cristiano Ronaldo (L) ahead of kick off of the international friendly football match between the Argentina and Portugal at Old Trafford in Manchester on November 18, 2014. AFP PHOTO / PAUL ELLIS (Photo credit should read PAUL ELLIS/AFP/Getty Images)

Juventus hmaitlan C.Ronaldo cun Barcelona hmaitlan Leo Messi thawn an karlak dinhmun a relfiang ih khaikhin a duh lo thu le mai hna veve tuan ih zuam vevetu an si thu a rel.

C.Ronaldo le Leo Messi hi Bawhlung leitlun ih ropi bik miangmo an si veve ruangah an pahnih cu khaikhin ringring an si.Tui dinhmun ahcun bawhlung lek veve lai an si ruangah an thuhla a tawp thei hrih lo ih zokhal in thukhiahnak felfai nei thei an um lo.

Hih thu ah Juventus hmaitlan C.Ronaldo cun khaikhin a duh lo thu le mai hna veve tha zetih tuan an si thu cu hitin a rel.

C.Ronaldo cun ,”Team dang veve ih lek kan si ruangah zuamawknak cu a tul rori siko.Asinan,hmun khatih kan um tlang caan ahcun ziang huatawknak khal kan nei lo ih zaran zet pehtlaihawknak nei kan si.

“Mipi cun kan pahnih cu ziangtiklai caan khalah in khaikhin ringring ih kan fate pawl tiangin an rak khaikhin.Kan fate pawl tlawngkai ih an um caan khalah zosi cakvak sawn?zosi duhnung sawn tivek tiangih khaikhinnak an tong.

“Khaikhinnak hi ka duh lo lawlaw ih tul ka ti lomi thil pakhat a si.Mibang aw lo ,mi pahnih cu mai hna veve tha zetih tuan dingin kekar veve kan si ,” a ti.

C.Ronaldo khal Messi bangin ram hrang bawhlung a sitnnak ah a siatsuah aw ve ih ziangtikah a rakir sal ding timi a fiang hrih lo a si.