KHAIKHAI KHAI NUNAU PAWL RALRING UH

0
192

Zinzoinak thar pakhat cun kaileng ih lungte um natnak hi mipa hnakin nunau pawl ah a tamcuang thu an hmusuak.Hivek ih an hmuhsuak theinak cun tulai thilri thatha suakthar pawl ruangah a si tiah an sim.Tuhlan ahcun Kaileng ih lungte um hi an rak theimai theu loih tuah cun CT Scan hmang in olten theih le hmuhsuak a si zo tiah zinzoinak ih hotu Dr Andrew cun a sim.

1984 le 2012 karlak a veikhatnak Kaileng sungih lungte an rak hmuh mi 7200 pawl ih result pawl zingzoitu pawl cun an zirsal ciamco mi a si.A hleice in kum(18) le kum(39) karlak nunau pawl cu mipa pawl hnakin Kaileng lungte um an tamcuang tiah an hmusuak.Hiti Nunau pawl kaileng ih lungte an neihnak cu zingzoitu pawl cun an zun thawhnak ihsin a lut mi natnak pakhat a si tiah an tarlang ta riai.

Phu sungih lungte um cu hmuh ding a malzet nan mipa ah hmuh a tam ve thung.Kaileng ih lungte um pawl cun hivek buainak an neih nawn lonak dingah an umtlan dan le ei/in ah an ralrin zet a tul ti si.Tidai intam sinsin ih cite ei mal deudeuh ih sa eitam lo ding zuam a si ding.Kaileng lungte um cu tuamhlawm lohli ahcun tih ding a um loih zun ah olten hlon mai a ngah.Asinan a thabik cu nei lo dingih ralrin thiam a si.