Keita & Firmino Sit Goal Mi Thawn Liverpool In Porto An Neh




Tui season champions league quarter final puai hmaisa sawn hrang Liverpool in Porto an rak mikhual ih Keita le Firmino sit goal mi thawn 2-0 in an rak neh.

Liverpool XI (4-3-3 ): Alisson,Arnold , Lovren ,Van Dijk , Milner, Henderson ,Fabinho , Keita, Salah , Firmino, Mane.Thelhbawh : Mignolet, Gomes , Matip, Wijnaldum, Shaqiri , Sturridge , Origi.

Porto XI ( 4-4-2 ) : Casillas , telles ,Militao,Felipe , Pereira ,Otavio, Torres ,Pereira ,Corona , Tiquinho,Marega.

Puai an thok ih Liverpool in an nawr hngal bangin minute 5nak ah Firmino tuahsakmi thawn laitlan Keita in penalty rin lan deuhte ihsin a sit goal.Liverpool in an nawr peh zetih minue 22nak ah Porto dungkham pawl Bawhlung pe aw sual in Salah in remcang thazet a nei nan,kawlkil um nawn lo hnu ah khawl a thelh.Asinan,Liverpool in an nawr peh zet bangin minute 26nak ah vorhlam sir ihsin Arnold ih Bawhlung tuahmi thazet cu Firmino in a rak sit goal.Porto in an nawr thutthi ve cu hmaitlan Marega in Alisson vial umnak ah a sit goal lo.Mikhual in corner an ngah cu Arnold in a kut thawn Bawhlung a dai ngah, Porto in penalty an beisei,Asinan VAR zoh a si ih daihrim a si lo ruangah dai lak a si lo.Porto hrnag Marega thotho in remcang thazet a hlah hnu ah Liverpool hrang Firmino in nai zetin remcang thazet a hlah ve ih colh an hmang.

Caan hrek neta sawn an thok cu Inntek in an nawr hmaisa lawk nan,remcang tha tuah aw thei loin an um ih mikhual in nasa zetin an nawr.Mikhual khal remcang tha tuah aw thei loin an um ih Inntek in Bawhlung cotam sawn in an nawr ciamco.Inntek Liverpool in an nawr zet nan,sit goal dingih remcang tha an tuah aw thei lo ih Porto in nawr thutthi caan annei ve theu.Cutin goal dang a lut nawn lo ih anmai innpi ah 2-0 thawn Liverpool in nehnak an co.

April ni 18 ah avei 2nak si dingin Porto Innpi ah an do aw sal dingih komkhawm ih dinhmun thasawn in semi final an lut ding a si.