Ke Kiak Cingin Silawm Khabib Ka Rak Sual _ Conor




UFC ihsin a colh thu phuangtu Conor cu Twitter fehtlang ih hmaiton thusuh a si ih ke kiah cingih Khabib a rak sual thu a relsuak.

Conor le Khabib hi UFC 229 tumih sual aw an si ih Khabib in a rak neh.An sual awk tumah ke hmang thiamzet Conor cu a ke a hmang ngut lo ih kut a uar sawn.Cutikah mipi lam ihsin ziangruangah Khabib thawn nan sual awk tumah ke na hmangmal an ti ih a ke kiak thu a relsuah phah.

Conor cun “A hmaisabik ahcun Khabib thawn kan sual awk lai ,caan thupi zetah thil ka tisual ih ka sun phah.Ka sundan ah zianghman rel ding ka nei lo ih ka duai siko.Asinan,thil pakhat cu a um.Kan sual awk hlan zarh thum ah ka kezaphak ruh ka rak tikiak ngah.kan sual awk ding caan khalah a damfel lo nan sual awk thulh ka duh loih norsawntu si in ka sual thotho.Cuih tlunah khami zan ih mithong netabiktu ka si hngehnge.

“Khabib ka sual dan ah zianghman relsiat ding ka nei lo ih ka lungkim zet tlunah thil tampi ka zirsuak phah a si,” a ti.

Conor hi UFC ihsin a colh thu phuang zotu a si ih a rakir sal ding thu relnak zianghman a nei hrih lo.Mihrek cun UFC 229 tumih buainak an tuah ruangah ‘hrem a si bangin an hremnak a cem tik ahcun a rakir sal ko ding a si ,tiin an beisei zet lai a si.