KAWLRAM MIPI ZIANGAH KA SIAR LO DING




Yangon khawpi ih nuaiaw ding mi Aungla N Sang le Light Heavy Weigh Champion cuhtu ding Brazil MMA rorum Machado cun One Champion si dingah Inntek mipi au aw men hi cu ziang a siar lo ding thu thannak a nei.February ni 23 Yangon khawpi lehnak (1)Thuwana ah Guest for Gold hmin ih MMA(One Championship)lehnak cu tuah a si dingih Aungla N sang le Brazil pacak Alexander Machado cu mipi hmuh ah an nuaiaw ciamco ding a si.

“Kawlram mipi hmuahhmuah ih duh mi le tha pek mi Aungla NSang thawn anmai ram sungih nuaiaw dingin tihnak tinhniar tiat khal ka nei lo.Ka nuai ding pa lawng mipi in tha an pek ding khal in ka thla a phanter lo.Ring sungih kan lehnak ah bangrannak a um le a tawk ko.Kei cu zovek khal nuaingam vivo ding lektu tha ka si kha mipi in an thei mai ding”Machado cun a sim.Hi nuaiawknak ah Aungla NSang cu neh in Ligh Heavy Weigh Champion taikhap cu lonsak ih Yangon khawpi ihsin tlun a tum thu khal a sim a si.

Machado hi thiamnak lamah cun Black Belt neitu a si ih 2016 ah galani cu round 2 ah a nehtu kha a si.Kum(35) mi Machado cun MMA lehnak ah puai 10 lekzo in puai 8 a neh ih puai 2 a sung.Aungla NSang cun tui dinhmun ah Champion Belt neitu a si ih tui an cuhawk ding mi Belt a ngahbet ahcun Champion belt pahnih nei ding a si.Mipi in ka rak thlirhnik pei uh.

LP