KAWLRAM IN KUM 85 TLUN PENSION PE DING

0
149

Kawlram ih Budget thar le a hlun karlak laklawh thla 6 ah milai somdawlnak hrang sumpai tamdeuh ih hman a si ding thu theih a si.Milai somdawlnak a thar tuah ding mi cu kum 85 tlunlam hmuahhmuah cu dam rei man Pension pek a si ding thu Naupai le kum 2 hnuailam hrang sumpai bomnak cu kauhter vivo a si ding thu theih a si.

“Kum upa hrang pension ah mi pakhat MMK10000 pek theu mi cu tuah cun kum 90 tlun lawng pek thei a si dingih kum 85 in 90 tiang cu a ra ding mi Budget kum laklawh thla 6 in pekbet an si ding” tiah Committee Hotu Zalun pengpi MP U Aung Min cun a sim.

2018 April ihsin September tiang thla 6 sung rampi in sum lut/suak ding ruah mi pawl simfiangnak an tuah mi ah tuvek ih a sim mi a si.Rampi Cozah cun Rakhine ramkulh,Chin Ramkulh le Naga tlangtluan ahcun naupai le kum 2 hnuailam nauhak pawl cu thlatin MMK 15,000 bom theu mi cu tui thla 6 sungah cun Irrawady ramthen khal ah pek ve an si ding thu theih a si.

THL