KALAYMYO LAMZIN SOISEL TONG

0
147

Tulai Kawlram hmuntin kattaya lamzin phah thuhla ah hnatuantu pawl cu soiselnak an tong nasa.Tukhal Kalaymyo ih Phawngku le Indaingyi karlak cu Kattaya phah tuan rero laifang a si ih a theh hman an theh hlanin FB lam ah nasatak ih soiselnak an ton thu hnatuantu pawl cun an tarlang.

Hi lamzin tuahtu Engineer Ko way Mon U cun,”Lamzin kauh hna kan tuan mi hman kan theh hrih lo.Kattaya phah hlan ah a hnuaiah Lung veihnih kan dam.Tuhi Kattaya phah dingin timlamnak kan nei rero ih karkhat hrawng kan rei.Cun kan timlam laiah hnatuantu an hmuh lo ruangah lamzin cu thehzo ih tan mi ah ruat in in soisel mi a si.Kattaya kan phah hlan mipi sukso nuam dingin vunnel pate kan phah sung men cu in soisel.Tuhi hnatuan kan thoksal zo.Malte sung kan phah mi kha kan phawpet ih Kattaya ngaingai kan phahzo”tiah a sim.

Kalay-Indaingyi karlak peng 2 le furlong 4 kattaya pi 12 cu pi 18 ih kauh dingah peng khat le furlong 2 tuannak ah Ramthen sumpai MMK 99ML hman ding a si.Tuah cun Kattaya phahthuah le Lungphut thehnak hnatuan cu February ni 3 ihsin thoksal a si ih ni 6 sungah furlong 2 thehzo a si.