Ka Rel Bangin A Si – Ferdinand




Man United dungkham hlun Ferdinand cun Champions league quarter ih Man United an sun cu Messi ruangah a si tiin a rel ih puai hlanih a rel bangin a thlengdik a ti.

Champions league quarter puai neta sawn hrang Barcelona le Man United an lek hlanah Ferdinand cun Man United an kaisawn a rak zumzet nan,Messi parah tampi a thum aw tiin a rak rel.Cuvek in Messi sit goal mi goal 2 le Coutinho goal 1 thawn Barcelona in Man United an neh ih Champions league semi final an lut.

Puai theh ah Ferdinand cun ,”Puai hlan ih ka rel bangin Messi parah tampi a thum aw ka ti ih Messi ruangah Barcelona in nehnak an co.Player ropi zet a si ih mi cungcuang hleice pakhat a si,” a ti.

Ferdinand ih thurelpi Man United laitlan hlun Hargreaves khal a tongsuak ve ih ,”Man United player zokhal an buai theh ih Messi ruangah an tanhmun an hloh theh a si,’a ti ve.

Messi ngaina zettu England hmaitlan Lineker khal in ,”Jones in Messi a kham neh lo tuk rori ih Messi in duhtawk in a bum rero men tluna a mualphoter theh a si,” a ti ve.