Juventus’n In Tih Silawm – Ajax Coach Ten Hag




Ajax coach Ten Hag cun Champions league quarter final puai 2nak ih Juventus an neh dan ah Inntek in hup’hurh phah thawn in do tikah nehnak kan co phah tiin a rel.

Juventus le Ajax puai ah 1-2 in Ajax in nehnak an co ih komkhawm ah 2-3 thawn Champions league semi final an lut.

Ajax Coach Ten Hag cun ,”Tui tum ih kan thilton cu AJax hrang a ropi tuk lawmmam ih Dutch Bawhlung hrang khalah lungawiza a si.Mah le mah rinsanawknak ruangah champion dingih zum zetmi team thatuk kan dawisuak lala cu a si.kan tumram pakhat kan thlengsuak sal thei ih hmailam pan vivo kan tum.

“Tui tum kan puai ih kan hmuh theimi pakhat cu Juventus’n in tih ih Real madrid khal’n in rak hup’hurh.Hmaisa sawn kan puai khalah kan lek thazet ih rinsanawknak hnget kan neih phah.Cutin ,tui tum ah thazet in Juventus kan do thei phah cu a si.

“Caan hrek colh caan ah ziangtin kan lek ding timi cu tha zetin kan reltlang ih tum kan nei.Can kan tibuai hnu ah vingtlan ihsin nor ciamco kan tum ih laitlan ah Schone le De Jong hnget zetin kan dinter.Cutin,thazet in kan lek thei ih kan nor ciamco phah.

“1-2 a si hnu khalah remcang thazet zet kan nei tam zetih hmang tangkai thei loin kan um sawn.Tui tum ih kan puai ka thlirsal tikah goal tamsawn thun ding rori kan si.Ziang a si khalle nehnak kan comi ruangah kan lungawi tuk ih ka team parah ka lungawi ngaingai a si,” a ti.