Juventus Ih Mithar Lei Dingmi Hmin Cazin Ah Mbappe




Italy club Juventus khal European ih hlawhtling sinsin an tum bangin C.Ronaldo vial ah duhtawk an tum lo ih tuitum thaal caan ah player tha dang leisal an tum.Juventus lei tum mi player tha cu zodang siloin PSG hmaitlan Mbppe a si.

Kum 20 te lawng silai nan,ram le club hrang lek thazet Mbappe hi Juventus mipi pawlih duh zetmi a si ih C.Ronaldo lehpi dingah an duh hleice.Cutin, Club thuneitu pawl hnenah Mbappe an duh thu an simthei ih leisak dingin an dil.Juvnentus director Fabio Paratici khalin Mbappe an dawr ding thu cu Juventus mipi pawl a simthei ti a si.

Asinan,Kum 20 mi Mbappe hi Juventus vial ih duhmi a si lo ih Real Madrid khal in an beisei ringring ve.Cutilai in PSG cun Mbappe an zuar lo thu an rak aupi rero ih Mbappe khal in PSG suahsan a tum hrih lo thu a relsuak ve.

Asinan,Champions league ih PSG an thlensan thei lo tikah Mbappe in PSG a suahsan duh leh cu zum a si.(Tuttosport )