JESU-KHRIH THAWHSALNAK IH TUMTAH

0
215

Khrih thawhsalnak cun Khrih Pathian a sinak le ziangkim tithei a sinak a phuanglang,Rom 1:4.Khrih thih nakih si a thawhsalnak cun minung sual nak hmuahhmuah a kholhfai thei tile setan hnatuan nak a tisiat theh thei ti a fiang ter,Heb 9:26,1John 3:8.cui a thawhsal nak ringtu hmuahhmuah hrangah nunthar le thosal huham kan co a si..Thosal Khrih in hi tin a ti,Lei le Van ih thu neihnak hmuahhmuah cu ka hnenah pek a si zo,Matt 28:18.Khrih zumtu hmuahhmuah in thlarau lam thawhsalnak an tep thluh,Rom 6:4.Siat thei lo taksa tharin kumkhua a nungding mi Amahkhannak in pe,1Kor15:20-23.kan thiamco nak a fiangter fawn,Rom4:25.Pathian in Khrih cu a kai tho,ziangah ti le hna cu tuantheh a si zo,kan sual man leiba cu pek a si zo

Pathian a lungkim tuk zo.Khrih thawhsal nak zum duh lo pawl hrangah thuthennak rapthlak cu hmai lam ah a um ti a fiangter,Act17:31,Heb 10:26-27. Jesu-khrih cu thihnak in a thosal zo ti mi hi thuanthu menmen si lo in a taktak in a thosal a si ti cu Bible in a fiang ter sinsin.Pathian nung um zum lo tu Fren mi Renan in hi tin a sim dah Nan ni Khristian pawl cu thlan kawlawng rimhmuinak parih nung nan si.Apostal pawl thupuan mi an thumawknak bik cu Khrih ih Gospel sunglawi zet phuanding le simding cun Khrih thawhsalnak a takzia le a dikzia le a thupit zia pawl hi kan theih fiang hmaisat a tul ti hi a si.Biaknak le sakhua dang hmuahhmuahhnakih Khristian pawl kan dang lam hleicet nak cu a dintupa Khrih thih nak ihsin a taksa rori a thawhsal nak hi a si.Khrih thawhsal nak lo cun Pentikos a um thei lo ding,John 14:17,Act1:4-8.Thuthlungthar Bible khal a um thei lo ding,Act1:1,1John1:1,Rom6:4..vei thawngkhat(1000) hngakih tam Thu thlungthar ah Khrih thawhsal nak thu hi ngan a si ih Thu thangtha ngantu pali in an ngan thluh fawn.,,,,,Thlan kawlawngin a um,A taksa rori ih a thawhsal zia a nemhnget..mi hrekkhat pawlin Khrih kha taksa rori in a thosal lo,Thlarau lawngin a thosal a si ti ih zirh tu an um,cu mi cu thilcang thei a si lo,Bible ih sim mi a kalh a do.

Van cungmi in hi tawkah a um non lo tin a ti,,Matt28:6.Nunau pawl in thlan kawlawng an hmu,Luk24:3,Mary magdalen le Peter le John khal in an hmuRom ralkap thlan kil tu khal in an hmu…Khristian Kawhhran pawl cu nehtu si in thangthatnak hla thon le Rundamnak Thuithangtha cu phuangin kum 2017 leng lo a um zo,A hram pi bik cu Khrih hi Thih nakih si a thawhsal nak a si..Khrih thawhsalnak thuthangtha kumkhaw nun nak hi kan thlen nak cin ah aupi in phuang sinsin uh si law.

By-Rev.Nehemiah Sui Nei Piang