JAPAN IN KAWLRAM TLANGLENG LEITER DING

0
139

Kawlram cun a ramsung ih tlangleng cu mipi hrang khualtlawnnak tlak ding rori ih tuah a tum ciamco.Cuiruangah Japan hnenah santhar tlangleng pawl lei dingin an timlamnak vekin US$64 Millions man lei aw dingih lungkim tlangnak cu Japan Company thawn February ni 10 ah hmin an kar a si tiah Japan thuthang NHK cun an phuang.

Hi lungkim tlangnak vek in Japan Company cun santhar tlangleng 24 cu Kawlram hnenah an pek ding thu Company hnatuan hotu Marubeni le Tlangleng tuahtu Niigata Transys cun an phuang a si.Kawlram dinhmun cu tuhlan ruah cun a thangso vezet nan tlangleng ahcun danglamnak pakhat hman hmuh a si hrih lo.A hleice in yangon le Mandalay karlak tlangleng zin khal rem le tuahthat rero a sizo tiah Cozah lam khal cun an phuang

Hi Tlangleng thar 24 cu Yangon le TaungOo tiang hmanlawk a si dingih hitiang ih a hlatnak cu KM 270 a si.Tuah hi KM 270 fehnak dingah nazi 7 rori an rei mi cu nazi 3:20 lawng an rei thlang ding ti si.Marubeni cun tlangleng pawl cu 2020 ihsin pekthok an tum ih tucu a kilkhawi dan Engineer pawl zirh lawk ding a si tiah theih a si.