ITALY AH KAHAWKNAK SUAK

0
155

Italy ram laifang Macerata khawpi ah Car sung ihsin meithal kaptu ih ruah mi a taksa ah Nazi tattoo suaitu cu police in an kaihzo thu an phuang.Hi meithal kaptu ih puh mi kum 28 mi Luca Traini cun Nazi pawl asalam pekdan vek in a tuah ti si.Hipa in Africa ihsin an ram ih umpawl cu a huazet ih an ram ih midum an tam vivo cu duh loin tuvek ih a tuahnak a si tiah thuthang cun an tarlang.

Thuthang ih tarlang dan vek a sile hipa ih kahnak ruangah mi 6 in hriamhma an ngah ih pakhat cu a besiazet tiah an sim.Macerata khawpi uktu cun mipi cu lenglam ih suak lo hram dingin thu a sim.Hivek ih kahawknak a suahnak si dingih zum mi cu kan dung naiah kum 18 mi Italy fala pakhat cu thah a si hnuah a sa khal candip a si ih dip pahnih sungah an thun thuah Nigeria pa pakhat cu kaih a rak si.Hivek thil thleng mi ah lungawi lo ih kahawknak suak a si ko ding tiah ruah a si.