ISREAL RALKAP KUT IN PALESTINE MI 2 THI

0
119

Isreal Ralkap pawl cun February ni 7 niah Hebron khawpi ah Palestin mi pakhat cu an kapthat ih February ni 6 ni khalah Nablus khawpi ah Palestine mi pakhat an kap thotho thu theih a si.

Isreal ram Humhimnak lam vuanci zung ih thu phuangtu cun Palestine mi pakhat cun nam thawn kan ralkap pawl a va tibuai ruangah an kahthatnak a si thu,Hi nam thawn a buaipinak ruangah Ralkap pa khal hriamhma fate a ngah thu an phuang.

Palestinian Ralkap pakhat cun thuthang latu hnenih a simdan vek a sile a thitu cu kum 19 mi a si thu,Amah cu Jordan tiva kap khua ih umtu a si thu le Buainak a suah hnuah Isreal ram ralkap lam cun cupa ih inn cu an siatsak ih a pa khal an kaihbet thu theih a si.

Isreal ram ralkap cun february ni 6 ni zanlam ah Nablus khua ah misual an hawl ih khawsung ih Palestine mi pawl thawn nasatak in buainak an nei ih cumi ah Palestine mi pakhat cu Isreal ralkap ih kahnak in a thi ih mi 50 lenglo hriamhma an ngah tiah theih a si.