ISREAL PM EIRUK PUH A SI

0
162
Israeli Prime Minister Benjamin Netanyahu attends the weekly cabinet meeting at the Prime Minister's office in Jerusalem February 11, 2018. REUTERS/Ronen Zvulun

Isreal PM Benjamin Netanyahu cu ei ruknak pahnih ah a dangte veve ih hremnak pe dingin Isreal Police cun dilnak an nei.PM Benjamin Netanyahu cun Milian zet pawl hnen ihsin thil mankhung laksawng pawl a lak a si tiah puhnak thu thawn peh aw in thlakhat sung zingzoinak an neih hnuah tlawngkai ni 2 ah Police cun tuvek ih dilnak an tuah mi a si.Cuileng ah thuthang pakhat neitu thawn a thupten remnak an tuah ti a sibet.

Police in tuvek ih dilnak mipi theih ih an tuah hnu minute malte ah PM cun Isreal TV ihsin lehnak a tuahcih.Isreal mipi in amah cu hotu ih an hril sung cu ani cun tuanvo thei le rinum takin a tuan vivo ding thu a sim.Hremnak pe dingin Police ih dilnak khal cu zianghman a si cuang lo ding tiah a letbet.Benjamin Netanyahu cun kuak man khung,Zu man khung le thilri mankhung cu Isreal cithlah Holywood ih film tuahtu Arnon Milchan le Australia ram mi Media lam milian turu James Packer telin Billioner milian pawl hnen ihsin laksawng a lak a si tiah puh mi a si.

Benjamin Netanyahu hremnak pe dingih netabik thu thencatnak cu Cozah laireltu hotubik Avichai Mandelblit in a tuah ding a si.Benjamin Netanyahu cun hremnak a tong ngaingai a si ahcun a hnatuan ihsin a suah a tullo ding tiah Lairelnak lam Vuanci Ayelet Shaked cun a sim.Hmanseh thukamnak thawn tuah mi Cozah thazang a cak lo laifang ah thuhla relnak tuah a si ahcun a uknak in a tuar zet ding tiah Vuanci pakhat cun a simbet.